اسأل اللى بعدك سؤال فى الحب

السلام عليكم

بما ان المنتدى رومانسى جدا بالشكل ده

فحبيت ان اول لعبه تكون ان كل عضو يسأل اللى بعده شؤال فى الحب

وانا هبدأ

تقدر تعيش حياتك من غير ما تحب وتستحمل الحياة بالشكل ده؟؟[b]

لو سمحتى ممكن توضحى شويه يعنى مثلا انا اجاوب على السؤال بتاعك ده وبعدين اقول سؤالى ولا اسال على طول.
ميرسى جدا ليكى

اكيد الحياة هتبقى صعبة لان الانسان المفروض عايش بالحب بين اهلة واصدقاءه وابنائه وزوجتة
يعنى انسان بدون حب انسان وحيد

والسؤال لو حبيت وماعرفتش توصل للى بتحبه تعمل ايه؟

ماشى يا عم تيمو اضحك علينا بكلمتين واتهرب من السؤال
طيب وفين سؤالك انتا؟؟؟؟؟؟؟؟؟؟

انا هحاول اجاوب بعد اذن تيمو و اسلام
طبعا دا يختلف من شخص للتاني بس انا من رأيي ما فيش حاجة تتعمل اصلا يعني انا
ضد فكرة المصارحة التلميح و الكلام دا كلو عشان ممكن يكون مجرد اعجاب بشخصية او
بالصورة و يتلاشى مع مرور الايام يعني بالمختصر نسيب كل حاجة تاخد وقتها و العمل
عمل ربنا خصوصا في الحاجات دي حسب النصيب بقا و زي ما قال تيمو دا زمن الخيانة
يبق مش ينفع اي تسرع. سؤالي انا:
هل الانسان يحب اكثر من مرة بصدق ام انه مجرد ملء فراغ؟

اولا عايز اشكرك على المشاركة
وعايز اقول ان الكلام ده فعلا صح واحسن حاجة نعمل باغنية سيبها بظروفها لنادر حمدى
اما بالنسبة للسؤال فأنا رأى ان اما يكون الواحد بيدور على الحب فأى اعجاب هيكون بالنسباله حب وهيحاول يقنع نفسه بكده وده يكون ملىء فراغ مش اكتر وممكن يتحول لحب حقيقى
اما او كان الواحد لسه خارج من تجربة قبل كده فمن الصعب انو يحكم على مشاعره لانو بيكون عامل زى التايه وبتكون مشاعره مجروحه وفاقد القدرة على التميز بس طبعا اكيد هيجى يوم ويحب بجد مش ملىء فراغ

والله بيحب بجد يا نورة مش مجرد ملء فراغ بس بيبقا الجرح بتاع القديم ملازمه باستمرار مش سهل ينسى وبيبقا لسه فى قلبه اثار من الحب ده بس مجرد التفكير فى الحب القديم ده فى نظرى يعتبر خيانه للى بتحبه

العفو يا اسلام و شكرا على اجابتكم انت و تامر
انتم جاوبتو على السؤال بشكل حلو اوي و ماجيش على بالي الاجابات دي فعلا يا تامر
مش سهل ينسى و في نفس الوقت لو يفكر في القديم تبق خيانة. يعني تناقض في
نفس الوقت.
و لو الواحد لس خارج من تجربة زي ما قلت يا اسلام بيبقى زي التايه و مشاعرو مجروحة.

طيب انطلاقا من اجابتكم هاستغل فرصة عشان ماحدش فيكم طرح سؤال اطرح انا سؤال
باطرحو على نفسي كثير؟

ليه الناس بتفترق و تتخاصم من موقف واحد بس حصل و ينسى كل الحاجات الحلوة
اللي اتقاسموها مع بعض مع انو الموقف اصلا بيطلع بأغلب الحالات سوء تفاهم؟
بمعنى تاني ليه ما يكونش فيه تسامح و كل ما ييجي خصام نحاول نتصالح و نفتكر المليون
حاجة اللي بتجمعنا مش الحاجة الوحيدة اللي فرقتنا؟
هل لأنو الإنسان بيحب يبقى مجروح و تعيس و يتحسر كل يوم ؟ ليه ما يشيلش كلمة مجروح
من المصطلح بتاعو مادام فيه أمل؟ و يآمن بأن الموت بس اللي بيفرق!!!!

والله مش من موقف واحد ولا حاجه بالعكس هو بيكون جاب اخره وتعب من الخناق كل شويه واوقات كتير اوى يبكون الخناق بينهم اكتر من الايام الحلوه اللى بتقولى عليها ده لو كان فيه ايام حلوه اصلا وبالنسبه للناس اللى بتحب تعيش فى دور المجروحين وكده انا بشاركك الراى لان فيه ناس كتير من دول وناس انا عرفتها مش عارف ليه بيحبوا يعيش فى الدور ده مع انى بكره النوع ده لانى بحس انه عايز يصعب على الناس او محتاج شفقه منهم وفى مواقف مش ينفع فيه المسامحه ويكون لابد من الفراق وهى الدنيا كده لقى وفراق...
عن نفسى انا مش بسامح حد جرحنى

بس ياتيمو انا ليا رأى تانى
مش شرط يكون الخلاف دايم مابينهم احيانا فى لحظة من اللحظات ممكن تكون هيا النهايه بالنسبالهم بدون مقدمات وكمان اللى يزود الحكايه موضوع الكبرياء ده اللى بيخلى الواحد مايغفرش اى غلطة حتى لو كانت الوحيده

طيب انتو طمنتوني كدا على نفسي عشان اجابتي قريبة من اجابتكم.
كنت هصدق الناس اللي بتقول علي ان قلبي اسود و مش بيسامح بس
الحمد لله مش انا لوحدي.

انتوا فيه ايه يا شباب مالكم كده يائسين دى الحياه حلوه بص يا تامر انت تغير اسم المنتدى ده وتسميه منتدى الشباب اليائسين هههههههه