ارائكم لو سمحتم

[ [/b][center]من منطلق الجمله دى عايز اعرف راى كل واحد فيها .... هل فيه صديق حقيقى فعلا فى زمانا ده !!!!!!!!!!!!!!!!!!!!!!!!!!!!!!!!!

الجملة دي بآمن بيها جدا مش عشان اتعرضت لخيانة صديق قبل كدا بس عشان اتربيت
على كدا. يعني من صغري اهلي بيقولولي مفيش ثقة في حد و لو عايزة اصدقاء صادقي
اهلك و الكتاب خير ونيس و خير صديق و الكلام اللي احنا عارفينو دا. و بيحكو لي عن
صداقة المصالح و خيانة الصديق عشان آخد العبرة و كدا. بس هما كانو عايزين مصلحتي
و ماعملش ثقة في حد و مش عرفو انهم ربّو في حاجة اسمها *فوبيا الصداقة*.

بالمختصر بقيت اعمل حواجز كبيرة و بقول صديقي هو انا نفسي.
بس بصراحة ارتحت جدا من وجع الدماغ دا و كل يوم بشوف قدامي حالات خيانة بين
اصدقاء كان ممكن اوقع فيها بس الحمد لله الفوبيا ساعات بتنفع الواحد

عندك حق والله فعلا الصداقه اللى موجوده دلوقتى صداقة المصالح وبس وانا شخصيا مش مقتنع بحكاية الصداقه دى بغض النظر عن كلام الروايات والافلام عن الصديق وكده ده كله كلام فى الفاضى مش ليه اى اساس من الصحه فى الواقع

لا حول ولا قوة الا بالله
انتوا ليه واخدين فكره غلط عن الصداقه كده يا جماعه والله موجوده وكل حاجه ومش معنى انك اتعرضت لخيانه من صديق ان كل الناس كده

ياجماعة انا عايز اقول حاجة
الصداقة ليها انواع كتير فيه المصلحه وفيه صداقة صطحيه ممكن تكون بحكم الزماله وفيه صداقة الأصحاب وفيه الأخلاء
واذا كان 95 % صداقه مصالح فلازم هيكون ليك اخلاء اللى هما بنقول عليهم اكتر من صحاب
يعنى مش معقول الدنيا تكون من غير اصحاب مقربين ليك وتكون صداقتهم مجرده من المصالح
يعنى الدنيا فيها انواع كتير حتى ولو كان فيه نوع هوا الغالب